O máis importante

Manuel Pablo: «É o derbi máis importante»

O Dépor asalta un derbi que non xogou na súa etapa recente. Polo menos así o recoñece o seu xogador máis veterano, o capitán Manuel Pablo, de 37 anos e quen chegou á Coruña para a tempada do título de Liga , no verán do 99, e acumula sete partidos de rivalidade, incluído o da tempada pasada en Segunda en Balaídos. Pero ningún como este: «Pola clasificación está claro que é o derbi máis importante de todos, porque suporía algo definitivo se non conseguimos unha vitoria, aínda que non sexa matematicamente, hai que ser realistas e ver que sería moi complicado. Vén o Celta , pero sería igual de importante fose o rival que fóra».

É máis, o xogador canario, que o pasado sábado recuperou a titularidade no Camp Nou, aínda que todo apunta a que pasadomañá (21.45 horas, Marca TV) volverá á suplencia, cre que se enfronta «ao partido máis importante» da súa vida. «Nós xogámonos máis que o Celta . Para nós é a última oportunidade. Eles teñen uns cantos puntos de vantaxe respecto de nós [seis], están máis preto de saír [a tres puntos das prazas de permanencia, fronte aos nove que separan ao Dépor] e nós temos que facer unha remontada épica», indicou tras o adestramento de onte.