Acouga home!

O berrinche de Nélson Oliveira no derbi galego

Nélson Oliveira puxo a nota discordante no triunfo do Deportivo no derbi galego ( 3-1). O dianteiro portugués quedou sen xogar nin un minuto a pesar de que Fernando Vázquez non esgotou as substitucións. Novamente suplente, Nélson Oliveira non se tomou demasiado ben o que finalmente non saltase ao campo cando estaba xa preparado para facelo.

Cando Vázquez lle comunicou que non ía entrar nos minutos finais da vitoria sobre o Celta , Nélson Oliveira replicou e despois deulle unha patada ao banco. Desde a bancada púidose ver ao técnico do Deportivo facer espaventos cara ao portugués durante os últimos instantes do encontro. De novo, Salomão foi o elixido por Fernando Vázquez para relevar a un Riki moi canso, deixando a Pizzi na posición de teórico dianteiro, algo para o que debería estar destinado Nélson Oliveira.

Despois, Álex Bergantiños foi o elixido para cambiar a Valerón e dar osíxeno ao centro do campo do Deportivo. O pequeno incidente deixa de manifesto o mal momento polo que atravesaNélson Oliveira no equipo coruñés. Na previa do partido contra o Barcelona, onde Riki non puido xogar por lesión, Fernando Vázquez sinalou ao dianteiro portugués e ao seu pobre rendemento. «Nélson ten que mellorar moito, ten que ser competitivo», espetou o técnico galego, despois dunha semana na que se puido ver ao atacante procedente do Benfica acusar a dureza dos adestramentos.

Nélson Oliveira, que só leva dous goles no que vai de Liga , callou un moi decepcionante partido no Camp Nou na súa oportunidade como titular, callando unha tempada que non cumpriu coas altas expectativas depositadas no internacional portugués.