Con Fernando Vázquez, si se pode
«É difícil, claro, pero non hai ninguén que me poida demostrar que non lle podamos gañar de forma consecutiva ao Celta , ao Mallorca, ao Zaragoza. Mentres as matemáticas non nos digan o contrario, ímolo intentar». Isto díxoo Fernando Vázquez, adestrador do pechacancelas de Primeira División, oDeportivo, moito antes de ser manteado pola afección. E antes de gañarlle ao Celta no derbi galego. O primeiro paso estaba dado. Facía falta unha vitoria, dixo no seu momento, «porque a segunda será máis fácil».
Ese é o discurso que en pouco máis dun mes conseguiu inxectar o adestrador galego nun equipo ao bordo do desafiuzamento, ao que a súa afección castigaba co «¡Mercenarios!» desde a bancada e do que o seu anterior adestrador Domingos Paciencia dixo que era incapaz de motivar. Agora, o inquilino do banco di cousas como «se antes cría, agora aínda creo máis» e desde a bancada escóitase: «¡Si se pode, si se pode!».
No hay comentarios:
Publicar un comentario